Hanni und Fanni – Do semmer
Am Samstag, 25. April 2015 waren Dietlinde Ellsässer und Ida Ott, die
altledigen Fräuleins vom Ehrenamt, in der Dorfscheune. Neben viel Sinnvollem
und Schwäbisch-Originellem schenkten sie uns Kilchbergern zwei Hymnen, die
nicht vorenthalten sein sollen; das zahlreich erschienene Publikum – einige
sogar aus Kilchberg – war begeistert!
In Kilchberg ist es schee
Am Waldrand grasen Reh-
Hinten dieben
Wachsen gelbe Rieben.
Und in de Heiser wohnet Leit
Die's halt so blos z'Kilchberg geit.
Zwischa Tibanga ond Bühl
Do liegt an scheener Flecka
Wenn ma neifahrt isch ma denna
Wenn ma nausfährt isch ma – dussa.
Holladihi ja holladiho
Z'Kilchberg do goht äbbes
Jetzt semmer froh.
Middladrenndenna
Da steht die Dorfscheune
D'Kilchberger send stolz druff
Ond d'Bühlemer hend – koine.
Holladihi ja holladiho...
Und in dieser Scheune
Gibt's Kultur aller Art
De Oine kommt z'Fuaß her
De andre mit'm Rad.
Holladihi ja holladiho...
S'kommet sodde von auswärts
Ond Leit au vo do
Uff äll Fäll send älle
Wenn se do send kherig froh.
Holladihi ja holladiho...
Egal ob Reigschmeckte
Oder Flädlessubbschwobe
Gemeinsam demmer heit mol
Des Scheuneteam – lobe!
Holladihi ja holladiho...
No bleibet nocher hogga
Ond schwätzet mitnand
Über des oder au sell
Hauptsach mit Herz und – Verstand.
Holladihi ja holladiho...
(Zu singen nach der Melodie:
„Zwischen Stuttgart und Cannstatt,
da steht ein Tunnel”.
Hochdeutsche Übersetzungen
dieser Hymnen können jederzeit
beim Dorfscheunenteam erbeten werden!)